تجربة شاب جزائري "فكرة مشروع Project ideas"
DZ FAMILY GEEK seo marketing tech DZ FAMILY GEEK seo marketing tech
random

آخر المواضيع

random
recent
جاري التحميل ...

ان مدونة dz family geek تحتفظ بحقها في نشر او عدم نشر اي تعليق لا يستوفي شروط النشر ونشير الى ان كل ما يندرج ضمن تعليقات القرّاء لا يعبّر بأي شكل من الأشكال عن آراء الموقع وهي تلزم بمضمون كاتبها حصرياً.

شروط النشر: ان مدونة dz family geek تشجّع قرّائها على المساهمة والنقاش وابداء الرأي وذلك ضمن الاطار الأخلاقي الراقي بحيث لا نسمح بالشتائم أو التجريح الشخصي أو التشهير. كما لا نسمح بكتابة كلمات بذيئة او اباحية او مهينة كما لا نسمح بالمسّ بالمعتقدات الدينية او المقدسات.

لن نقوم بنشر التعليقات ذات الروابط الدعائية أو تعليقات بإسلوب غير لائق أو التى تحتوى على معلومات شخصية كالبريد الإلكترونى .

صفحة >>> سياسة الخصوصية Privacy Policy

اي مشكلة >>> contact اتصل بنا
خريطة الموقع >>> site map


هل دخلت إلى تدوينة ووجدت رابط التحميل معطوب أو محذوف ، كل ما عليك فعله هو أن تخبرنا عن الرابط المعطوب في صندوق التعليقات وسيتم مراجعة التدوينة وتجديد الرابط ان شاء الله والرد على تعليقك يمكنك وضع علامة على المربع في التعليقات اعلامي لتصلك إشعارات ردود حول هذا الموضوع .
.

تجربة شاب جزائري "فكرة مشروع Project ideas"

تجربة شاب جزائري "فكرة مشروع  Project ideas"

تجربة شاب جزائري "فكرة مشروع  Project ideas"

السلام عليكم احب اشارككم تجربتي معاكم المهم انا شاب عمري 28 سنة متخرج من جامعة قالمة ( ماستر 2 تاريخ عام) كنت عامل يومي عند التجار ( مواد غذائية . خضار . سوق الملابس الجملة . مصور اعراس ) .

بعد ان قضيت نص عمري في القراية اللي كنت قريب جدا اني نفشل فيها في مرحلة الثانوي حمد لله وبتوفيق من الله قدرت ننجح ونقرى في الجامعة وحتى يوم التخرج تاعي كان مستقبلي غامض .

بعد التخرج عرض عليا صديق اني نخدم معاه في فاست فوود كنت مجرد عامل يومي وبعد شهور قرر صديقي ينسحب ويبدل مشروعو في بلاصة خلاف .

انا بصراحة حاولت نقنعو بالعدول عن رأي تاعو خاطر الحانوت في منطقة جيدة ومخدوم مليح وناسو طيبين ماش من نوع اللي مايخليكش تخدم لكن هو قرر .

المهم خممت مع روحي قلت بيتزريا انا منعرفش ولي سوفلي ولي تاكوس منعرفش المهم قررت نحكم انا الحانوت ونبدل المشروع ونحولو الى مطعم شعبي والمشكل في السيولة وتمويل المشروع منين نجيب دراهم ومتريال هه .

المهم سلفت شوية دراهم حوالي 30 مليون خلصت صديقي في الكراء اللي بقالو وشريت كراسي وطاولات مستعملين وفريقو تاع قازوز ومستلزمات نصهم كريدي كنت نسقسي على أي واحد عندو حاجة نجيبها كريدي المهم عندي اني نفتح المحل بكامل التجهيزات .

المهم خاوتي واش حنقلكم صدقوني صعيبة بزاف كي تجي تبدى مشروع حتى وصغير والسيولة مكانش بصح تعلمك حاجة انك تحوس هاك وهاك حتى تلقى الحاجة تاعك ويسهلك ربي انا مصدقتش الفرص اللي طيحني فيها ربي وولاد الحلال اللي ساعدوني ربي يعطيهم مايتمناو .

المشكل الثاني كان في عدم اتقاني الطبخ كان عندي فكرة على المشويات فقط المهم بديت بالسهل كنت نسأل الطباخين والوالدة ولي انسان يقدر يعاوني وفتحت المحل وبديت بالمشويات والسلاطة والحميص ولي فريت هاذو ومع مرور الاشهر كنت نتعلم ونتعذب مع الخدامة وباه تهز الميتي والله صعيب لازم تحط راسك مليح .

مع مرور الوقت حمد لله وسعت نشاطي وكونت طاقم عمل وليت قادر على طبخ والمشويات والدجاج وكلشي تقريبا وخلصت كل ديوني وربحت حاجة مع قرايتي .

انا خذيت الامور بساطة خاطر باه تحكي كلشي ماش راح نكمل ههه .

حبيت نقدملكم نصائح برك :


  • . اذا كان اي مشروع في راسك ازدم .
  • . ماتقولش اني قريت وتبقى تسنى في دولة وتضيع وقت بزاف .
  • . اختر المكان المناسب للمشروع .
  • . اختار صاحب المحل بعناية اللي تكري عندو .
  • . اذا حبيت تخدم لازم تتعلم انت الصنعة وتوقف على المحل .
  • . ماتقولش اني وصلت لازم كل يوم تدارك النقائص وتهتم بالتفاصيل .
  • . ماتسمعش هدرت ناس السلبيات اللي يقلك قادر ماتنجحش انت ماش مول صنعة .. وما اكثرهم في حياتنا .
  • . لازم تتعب وتأمن بروحك وتوصل وتشوف بلي درت حاجة تفتخر بيها .

كاين حوايج بزاف ماقدرتش نحكيهم للأسف المهم بعد عام ونصف تقريبا قدرت نخلص الدين اللي كان عندي مال وتجهيزات كامل وعاودت كونطرا تاع حانوت وربحت حوايج بزاف بزاف وعمري ندمت على قرايتي ولا ندمت على حاجة في حياتي خاطر درت شيء اللي نحبوا ونأمن بيه وكنت ديما ايجابي من الداخل وعمري سمعت الاراء الهدامة . وشكرا



عن الكاتب

amine DZ harrane amine algeria

التعليقات

رجـــــــــــاء : رجاءا من كل الإخوة والأخوات الكرام الذين استفادو من هذه المعلومات وبقليل من الجهد ترك تعليق أو مشاركة الموضوع عبر احدى الأزرار twitter أو facebook أو pinterest ولكم جزيل الشكر على ذالك.

اتصل بنا

بعد التسجيل، ستتلقون رابط اللاشتراك عبر بريدكم الالكتروني انقر عليه للاشتراك في التحديثات متبوعة برسالة إعلام إيقاف الاشتراك حيث تستطيع الغاء الاشتراك في اي وقت .

جميع الحقوق محفوظة

DZ FAMILY GEEK seo marketing tech